Stærstu pílutengdu fréttir hingað til voru að berast í hús en rétt í þessu var PDC var að staðfesta að íslenskur keppandi muni koma til með að spila á Nordic Darts Masters 2022 en á því móti keppa 8 bestu pílukastarar heims á móti 8 keppendum frá Norðurlöndunum. Ekki er staðfest hver íslenski keppandinn mun verða en sá íslendingur sem er efstur á stigalista PDC Nordic&Baltic mótaraðarinnar þann 5. júní verður valinn til að taka þátt.
Eins og staðan er í dag er Matthías Örn Friðriksson úr Pílufélagi Grindavíkur efstur Íslendinga eftir 2 mót spiluð en hann er með 400 stig og situr í 7. sæti. Næstur á eftir honum kemur Hallgrímur Egilsson frá Pílukastfélagi Reykjavíkur sem situr í 24. sæti með 100 stig. Næstur á eftir Hallgrími er Pétur Rúðrik Guðmundsson en hann situr í 35. sæti með 50 stig.
2 mót eiga eftir að spilast en þau verða spiluð í Finnlandi helgina 4-5 júní næstkomandi. 50 stig eru gefin fyrir að að komast í 32 manna úrslit, 125 stig fyrir 16 manna, 200 stig fyrir að komast í fjórðungsúrslit, 300 stig fyrir að komast í undanúrslit, 600 stig fyrir að lenda í öðru sæti og sigurvegari hvers móts fær 1200 stig.
Þetta eru frábærar fréttir fyrir íslenskt pílukast en íþróttin hefur verið í örum vexti undanfarin misseri og er ljóst að mikil eftirspurn verður eftir miðum á mótið sem haldið verður í Kaupmannahöfn og sýnt í beinni útsendingu á Viaplay.
Hægt er að lesa nánar í frétt frá PDC Nordic & Baltic: https://pdc-nordic.tv/iceland-to-be-represented-at-nordic-darts-masters/
Búið er að raða í riðla fyrir 3. umferð Floridana sem verður haldin á Bullseye,…
Önnur umferð Dartung deildarinnar 2026 í boði Ping Pong var spiluð í Setrinu að Tangarhöfði,…
Karladeild 1. sæti - Alexander Veigar Þorvaldsson & Hörður Þór Guðjónsson Hörður Þór Guðjónsson -…
Hægt er að fylgjast með útsendingum 2. Umferðar Dartung á streymi Live Darts Iceland sem…
Hægt er að fylgjast með útsendingum Íslandmeistaramótsins í pílukasti - Tvímenningur á streymi Live Darts…
