Íslandsmót öldunga fór fram laugardaginn 28. janúar í Pílusetrinu Tangarhöfða. Alls voru 30 keppendur skráðir til leiks.
Akurnesingurinn Siggi Tomm átti stórkostlegt mót en hann sigraði í öllum 5 leikjum sínum í riðlakeppninni með aðeins einn tapaðan legg (15:1). Spilamennska Sigga átti bara eftir að verða betri því hann tapaði ekki legg í 16 manna, 8 manna og undanúrslitum. Í úrslitaleiknum fékk Siggi loksins mótspyrnu því eftir stórkostlegt oddaleiks-einvígi við Guðjón Hauks, stóð Siggi uppi sem sigurvegari 5-4 og þar með Íslandsmeistari öldunga 2023.
Petrea KR Friðriksdóttir úr Pílukastfélagi Reykjavíkur átti einnig frábært mót en eins og Siggi, þá vann hún alla sína leiki í riðlakeppninni og sjálfan úrslitaleikinn 5-0 og er því Íslandsmeistari öldunga 2023. Helga Friðriksdóttir lenti í 2. sæti.
ÍPS óskar sigurvegurum og öðrum verðlaunahöfum innilega til hamingju með frábæran árangur og þakkar Pílukastfélagi Reykjavíkur fyrir samvinnuna við mótshald. Einnig viljum við þakka Björgvini Sigurðssyni sérstaklega fyrir hlaðborð af ferskum þorramat sem þáttakendur gæddu sér á.
Hér eru nokkrar myndir frá mótinu.
Tilkynning – Seinkun á viðburði Vegna mjög slæmrar veðurspár hefur stjórn ÍPS ákveðið að fresta…
Kristalsdeild 1. Sæti - Hörður Þór Guðjónsson2. Sæti - Alexander Veigar Þorvaldsson3-4. Sæti - Vitor…
Hægt er að fylgjast með útsendingum 2. Umferðar Floridana deildarinnar á streymi Live Darts Iceland…
Búið er að raða í riðla fyrir 3. umferð Floridana sem verður haldin á Bullseye,…
