Íslandsmótið í Pílukasti 2023 fór fram á Bullseye Reykjavík í dag. Tæplega 90 keppendur voru skráðir til leiks sem gerir mótið að fjölmennasta Íslandsmótinu til þessa. 72 karlar og 15 konur tóku þátt.
Spilað var með riðla fyrirkomu lagi þar sem 32 einstaklingar fóru áfram og hjá körlum og 15 hjá konum.
Sterkustu keppendur landsins voru langflestir mættir til leiks en auk farands- og eignabikar voru einnig tvö sæti í Úrvalsdeildinni í Pílukasti í boði en hún verður sýnd í beinni á Stöð 2 Sport í haust.
Í úrslitaviðureign karla mættust Vitor Charrua og Hörður Þór Guðjónsson og fóru leikar 7-3 fyrir Vitor sem þýðir að Vitor er Íslandsmeistari karla í pílukasti 2023. Þetta er annar íslandsmeistaratitill Vitors, en hann vann síðast árið 2019.
Í úrslitaviðureign kvenna mættust Ingibjörg Magnúsdóttir og Brynja Herborg en þar hafði Ingibjörg betur 7-4 og vinnur því Íslandsmeistaratitilinn 3. árið í röð og í 6. skiptið á sínum píluferli.
Í 3. – 4. sæti í karlaflokki voru þeir Páll Árni Pétursson og Karl Helgi Jónsson.
Í 3. – 4. sæti í kvennaflokki voru þær Birna Rós Daníelsdóttir og Isabelle Nordskog en þær tryggðu sér báðar þátttökurétt í Úrvalsdeildinni með árangri sínum í dag.
Fleiri myndir og nánari upplýsingar væntanlegar
Í langan tíma hefur verið rökræður meðal keppenda um fatareglur á mótum og reglur óskýrar,…
Vegna breyttra forsendra hefur Barna- og unglingaráð í samráði við stjórn ÍPS ákveðið að færa…
Um helgina var haldið stórt WDF mót í Færeyjum, Færeyjar Open og Þórshöfn Open og…
Á síðasta píluþingi ÍPS var ákveðið stofnaðar yrði nokkrar nefndir sem hefðu það hlutverk að…
Kæru pílukastarar og áhugafólk um íþróttina Búið er að velja landsliðs Íslands sem mun taka…
