Landsliðsþjálfari Íslands í pílukasti, Kristján Sigurðsson, hefur ákveðið að segja uppi samningi sínum við ÍPS sem þjálfari karla- og kvennaliðs Íslands. Kristján þjálfaði liðin á 3 síðustu mótum WDF, nú síðast í Danmörku þar sem keppt var á Heimsbikarmóti WDF.
Í samtali við fréttaritara ÍPS sagðist Kristján ganga mjög sáttur frá borði. Pílukast á Íslandi hefur tekið stórt stökk fram á við á síðustu árum bæði í fjölda iðkenda og í gæðum. Nú sé hins vegar kominn tími á að taka næstu skref í þróun afreks pílukastara með nýju fólki í stafni landsliðsins.
Stjórn ÍPS vill þakka Kristjáni kærlega fyrir vel unnin störf en sambandið leitar nú að nýjum þjálfara fyrir þau verkefni sem framundan eru og er áhugasömum aðilum bent á að senda sambandinu tölvupóst á dart@dart.is með umsókn um starfið fyrir 15. október. Næsta landsliðsverkefni er Norðurlandamót WDF sem haldið verður á Íslandi í lok maí á næsta ári og einnig Evrópumót WDF sem haldið verður í Slóvakíu í lok september.
Þriðja umferð Dartung deildarinnar 2026 í boði Ping Pong var spiluð í aðstöðu Píludeildar Þórs…
Hægt er að fylgjast með útsendingum 3. Umferðar Dartung á streymi Live Darts Iceland sem…
Hér að neðan má sjá uppsetta dagskrá en við biðjum þáttakendur að mæta 45 mínútum…
Keppt var um helgina 2-3. maí 2026 á Bullseye um Íslandsmeistaratitilinn 2026.Alls tóku þátt 98…
