Lengjudeildin í pílukasti

ÍPS í samvinnu við Íslenskar Getraunir kynnir með stolti Lengjudeildina í pílukasti 2019. 8 bestu pílukastarar landsins spila í beinni útsendingu á SportTV í deild þeirra bestu og 4 efstu eftir 7 umferðir tryggja sig inná lokakvöldið. Allir hafa möguleika á að komast í Lengjudeildina en 8 spilarar verða valdið með eftirfarandi hætti:

• 4 efstu á stigalista Lengjubikarsins 2019
• 2 efstu á Lengjan OPEN 2019
• 2 wildcard valin af ÍPS

4 leikir eru spilaðir á hverju miðvikudagskvöldi frá 23.okt – 4.des 2019. 4 efstu eftir 7 umferðir vinna sér rétt til að spila á lokakvöldinu þann 8. janúar 2020 þar sem Lengjudeildarmeistarinn verður krýndur!

Lengjubikarinn 2019

Lengjubikarinn 2019 er 8 móta sería spiluð öll miðvikudagskvöld frá 24. júlí til 11. september þar sem spilarar vinna sér inn stig. 4 efstu á þessum stigalista eftir seríuna vinna sér sæti í Lengjudeildinni.

Spilaður er beinn útsláttur, best af 7 leggjum alla leið og er raðað eftir stigalista ÍPS í hvert mót.

Lengjubikarinn er ekki kynjaskiptur og opinn öllum meðlimum aðildafélaga innan ÍPS.

Lengjan Open 2019

Lengjan OPEN er helgarmót, haldið helgina 14-15 sept 2019. Spilaður er beinn útsláttur og einungis einn leikur spilaður í einu, allt í beinni útsendingu hjá Live Darts Iceland. Á laugardag fara fram 32 manna úrslit og á sunnudeginum er spilað 16 manna, 8 manna, undanúrslit og úrslitaleikur. Þeir 2 spilarar sem komast í úrslit vinna sér þátttökurétt í Lengjudeildinni. Raðað er eftir stigalista ÍPS.

Lengjan OPEN 2019 er ekki kynjaskipt og opin öllum meðlimum aðildafélaga innan ÍPS.