Meistaramót Uppkast.is 2022

Meistaramót Uppkast í samvinnu við Íslenska pílukastsambandið var haldið laugardaginn 26. febrúar og sýnt í streymi á uppkast.is. Mótið var útsláttarmót karla og kvenna þar sem fremstu pílukastarar landsins kepptu.

8 keppendur voru í karlaflokki og 4 í kvennaflokki. Í karlaflokki kepptu þeir Alexander Veigar Þorvaldsson, Björn Steinar Brynjólfsson, Hörður Þór Guðjónsson, Matthías Örn Friðriksson, Pétur Rúðrik Guðmundsson, Sigurður Tómasson, Vitor Charrua og Hallgrímur Egilsson. Í kvennaflokki kepptu þær Ingibjörg Magnúsdóttir, Isabelle Nordskog, Árdís Sif Guðjónsdóttir og Svanhvít Helga Hammer.

Mótið var æsispennandi og náðu þeir Matthías Örn og Sigurður Tómasson eitthundarð og áttatíu eða “One hundred and eighty”. 

Svanhvít Helga Hammer er Uppkast meistari kvenna 2022 en hún sigraði Árdísi Sif Guðjónsdóttur í úrslitaleiknum. Matthías Örn Friðriksson er Uppkast meistari karla 2022 en hann sigraði Pétur Rúðrik Guðmundsson en allir keppendur sem kepptu í úrslitum eru í Pílufélagi Grindavíkur.

Kynnir á mótinu var Arna Rut Gunnlaugsdóttir og lýsendur voru Björn Andri Ingólfsson og Ingibjörg Magnúsdóttir ásamt Matthíasi Erni Friðrikssyni og Birni Steinari Brynjólfssyni. 

Ljósmyndir: Uppkast ehf
Video: Uppkast ehf