ÍPS kynnir með stolti í samvinnu við Tryggingar og Ráðgjöf ehf NOVIS deildina í pílukasti. NOVIS deildin er fyrir alla pílukastara sem hafa gilda skráningu í einu af aðildarfélögum sambandsins. Ef þú ert ekki ennþá skráð/ur í aðildarfélag þá getur þú gert það með því að fylla út skráningarformið hægra megin á síðunni.
NOVIS deildin er hönnuð fyrir pílukastara á öllum sviðum íþróttarinnar. Deildirnar eru settar þannig upp að þú færð marga keppnisleiki og alla við leikmenn með svipað getustig. Það skiptir ekki máli hvort þú stefnir á að keppa fyrir landslið Íslands eða ert að taka þín fyrstu skref í pílukasti, þú færð alltaf að keppa við jafninga í íþróttinni og því undir þér komið hvað þú vilt ná langt.
Fyrsta umferð verður haldin sunnudaginn 23. janúar á Bullseye, Snorrabraut 34. Leikir í fyrstu umferð hefjast kl. 10:30 en húsið opnar kl. 09:00
Skráning er hafin í fyrstu umferð og er skráningarfrestur til kl. 12:00 föstudaginn 21. janúar 2022. Hægt er að skrá sig með því að fylla út formið hér neðst í fréttinni. Skráning er ekki gild fyrr en búið er að greiða þátttökugjald.
Þátttökugjaldið fyrir fyrstu umferð er 3.500kr og er eingöngu hægt að millifæra á:
Kt. 470385-0819
Rn. 0301-26-014567
Fjöldi deilda fer eftir skráningu hverju sinni. Hámarksfjöldi í hverri deild eru 10 manns. Ef skráningar ná ekki heilum tug fyrir ákveðna umferð þá gæti þurft að breyta fjölda í hverri deild í þeirri umferð en ávallt verður reynt að hafa 8-10 manns í hverri deild í hverri umferð.
Spilað verður 501, best af 7 leggjum í 3 efstu deildum í karlaflokki og efstu deild í kvennaflokki en best af 5 leggjum í öðrum deildum. Allir spila við alla einu sinni og eru gefin 2 stig fyrir sigur í hverjum leik. Sigurvegarar hverrar deildar verða krýndir að hverri umferð lokinni og fá þau að launum glæsilegan verðlaunapening ásamt því að tryggja sig upp um amk eina deild í næstu umferð.
Nánari upplýsingar og regluverk NOVIS deildarinnar má sjá með því að smella HÉR
Skráða keppendur í fyrstu umferð er hægt að sjá með því að smella HÉR
Skráning er hér fyrir neðan:
Stjórn Íslenska Pílukastsambandsins boðar hér með til árlegs Píluþings, sem haldið verður Laugardaginn 10. janúar…
Það er ekki hægt að segja að 3 kvöldið í úrvalsdeildinni hafi boðið upp á…
Stigameistari 2025 Stigameistari karla með 107 stig söfnuð yfir árið er enginn annar en Alexander…
Kristaldeild 6. umferð Floridana 1. Sæti - Alexander Veigar Þorvaldsson2. Sæti - Hörður Þór Guðjónsson3-4.…
Það var svokallaður Reykjavíkurslagur í úrslitaleiknum á kvöldi 2 í Úrvalsdeildinni sem var haldin í…
Hægt er að fylgjast með útsendingum Lokaumferð Floridana deildarinnar á streymi Live Darts Iceland Reykjavíkurdeildin:…
