Reykjavík International Games – Dagskrá og fyrirkomulag

Núna á föstudaginn (3. febrúar) hefst Reykjavík International Games í Pílukasti. 90 keppendur eru skráðir til leiks, 78 keppendur í flokki karla og 12 í flokki kvenna. Undanriðlar fara fram bæði í Pílusetrinu Tangarhöfða 2, Reykjavík (PFR) og í Píluklúbbnum, Reykjavíkurvegi 64, Hafnarfirði (PFH).

Riðlar 1-10 í karlaflokki verða spilaðir í Pílusetrinu (PFR). Riðlar 11 -16 í karlaflokki og báðir riðlar í kvennaflokki verða spilaðir í Píluklúbbnum (PFH). Dregið verður í riðla og þeir birtir hér á dart.is á miðvikudag (1. febrúar).

ATH! Mótastjórn áskilur sér rétt til að draga aftur ef þurfa þykir t.d. vegna forfalla!

Útsláttarkeppnin í báðum flokkum verður spiluð laugardaginn 4. febrúar á Bullseye, Snorrabraut 37, Reykjavík. Undanúrslitaleikir í karlaflokki og úrslitaleikir í karla- og kvennaflokki verða í beinni útsendingu á Stöð 2 Sport um kvöldið og hefst útsending kl. 19:30.

Spilafyrirkomulag

Nánari upplýsingar og spilafyrirkomulag má nálgast í PDF skjali hér að neðan.

Dagskrá:

Föstudagur 3. febrúar
Riðlakeppni karla og kvenna. Mótstaður opnar kl. 17:00 og byrjað verður að spila kl. 19:00. Staðfesta þarf skráningu á staðnum amk. 45 mín fyrir upphaf riðils.

Laugardagur 4. febrúar
Útsláttarkeppni karla og kvenna. Mótstaður opnar kl. 09:00 og byrja fyrstu leikir í útslætti kl. 10:30.

Mótstjórn:

Arna Rut Gunnlaugsdóttir, Þorvaldur Geir Sigurðsson ásamt Stjórn ÍPS sjá um mótstjórn á Reykjavík International Games 2023.

Sigurvegarar RIG 2023 tryggja sér þátttökurétt í Úrvalsdeild Stöð 2 Sport sem hefst í ágúst.

Við minnum á að almennar keppnisreglur ÍPS gilda á mótinu