ÍPS hélt stjórnarfund þann 18.2.2021 og voru teknar eftirfarandi ákvarðanir
Íslandsmótið í Cricket verður haldið dagana 12-14 mars á Akureyri í aðstöðu Píludeildar Þórs að Laugargötu 4. Tvímenningur verður spilaður á föstudag (beinn útsláttur), riðlakeppni í einmenning á laugardag og útsláttarkeppni í einmenning á sunnudag. Vegna fjöldatakmarkana verður skráning í tvímenning takmörkuð við 24 lið. Auglýsing um mótið verður gefin út á næstu dögum.
Stigamótum sambandsins verður frestað um óákveðinn tíma vegna COVID en búið er að fresta WDF Nordic Cup og líklegt verður að teljast að WDF World Cup sem halda á í september verði frestað líka. ÍPS vill einnig gefa aðildarfélögum sínum tækifæri til að nýta þessar helgar og halda mót á sínum vegum í staðinn.
Iceland Open og Íslandsmótið í pílukasti verða haldin á Bullseye þar sem ÍPS telur ekkert aðildarfélag með nægilega stóra aðstöðu til að taka á móti þeim fjölda sem líklegt er að verði á mótunum. Ekki var tekin ákvörðun um hvar Íslandsmótið í 301 og Íslandsmót unglinga 2021 verður haldið en það verður gert síðar.
