3. umferð unglingamótaraðar ÍPS og PingPong.is fór fram á laugardaginn á Bullseye Snorrabraut en um 30 krakkar á aldrinum 9-18 ára tóku þátt og var sýnt beint frá 3 keppnisspjöldum á heimasíðu sambandsins í gegnum Live Darts Iceland.
Í drengjaflokki 9-12 ára sigraði Eiður Aron Marteinsson en hann vann Gylfa Þór Harðarson 3-1 í úrslitaleiknum. Í stúlknaflokki 9-12 ára sigraði Linda Björk Atladóttir en hún vann Guðfinnu Söru Arnórsdóttur 3-0 í úrslitaleiknum.
Í drengjaflokki 13-18 ára sigraði Alexander Þorvaldsson en hann vann Ottó Helgason 4-2 í úrslitaleiknum. Í stúlknaflokki 13-18 ára sigraði Emilía Rós Hafdal Kristinsdóttir en hún vann Andreu Margréti Davíðsdóttur 3-2 í úrslitaleiknum.
Sigurvegarar og þau sem lentu í verðlaunasætum voru að lokum leyst út með glæsilegum verðlaunum frá PingPong.is og þökkum við þeim kærlega fyrir stuðninginn.
Hér fyrir neðan má sjá myndir af sigurvegurum og keppninni sjálfri og vill ÍPS þakka öllum þeim sem komu að mótinu á einn eða annan hátt kærlega fyrir.
Fjórða og seinasta umferð ársins verður síðan spiluð þann 5. nóvember næstkomandi.
World Darts Federation (WDF) heldur 3 mót dagana 9-13 október næstkomandi í Búdapest, Ungverjalandi. Mótin…
U18 landsliðhópurinn lagði land undir fót í morgun og eru nú stödd í Riga, Lettlandi,…
Norðurlandamót WDF (WDF Nordic Cup 2024) fór fram á Bullseye Reykjavík dagana 23.-25. maí 2024.…
Brynja Herborg, landsliðsþjálfari stúlkna U18, og Pétur Rúðrik Guðmundsson, landsliðsþjálfari drengja U18 hafa valið þá…