Í fyrri hluta ágúst (stefnt að 10. ágúst) verður dregið í riðla í Úrvalsdeild Stöð 2 Sport 2023. Drátturinn verður í beinni útsendingu á Visir.is. Dregið verður í 8 riðla (A til H) með fjórum leikmönnum hver. Sigurvegari hvers riðils tryggir sér sæti í 8 manna úrslitum.
Stjórn ÍPS hefur útbúið styrkleikaflokkun sem notast verður við þegar dregið verður í ágúst. Notast var við árangur leikmanna í mótum á árinu 2023 ásamt árangri í Úrvalsdeildinni 2022. Hægt er að sjá fjölda stiga fyrir árangur í hverju móti fyrir sig í stigatöflunni undir styrkleikaflokkunum hér að neðan.
Fyrst verður dregið úr styrkleikaflokki 4, einn leikmaður í hvern riðil. Þvínæst úr styrkleikaflokki 3, einn leikmaður í hvern riðil þar til búið er að raða í riðla úr öllum styrkleikaflokkum.
Í 8 manna úrslitum mætast leikmenn í 1. sæti A gegn B, C gegn D, E gegn F og G gegn H.
Í 4. manna úrslitum mætast A/B gegn C/D og svo E/F gegn G/H
Dagsetningar fyrir hvern riðil eru aðgengilegar á Viðburðasíðu ÍPS. Ef leikmaður kemst ekki á leikdegi síns riðils missir hann einfaldlega sæti sitt í Úrvalsdeildinni og nýr leikmaður kemur í staðinn sem valinn er af landsliðsþjálfurum Íslands. Ekki verður í boði að færa sig á milli riðla!
Ef leikmenn eru með jafnmörg stig skal notast við nýjasta meðaltal NOVIS deildarinnar til að ákvarða röðun á styrkleikalista. Stjórn ÍPS áskilur sér rétt á að gera breytingar á styrkleikaflokkum ef t.d. gerð hafa verið mistök við stigagjöf.
Kæru pílukastarar og áhugafólk um íþróttina Búið er að velja landsliðs Íslands sem mun taka…
Íslandsmeistaramótið í 501 var haldið helgina 15-16. mars. Laugardaginn 15. mars var keppt um Íslandsmeistaratitil…
Hér má finna allar beinar útsendingar Live Darts Iceland frá Íslandsmótinu í pílukasti. Laugardagur -…
Búið er að draga í riðla í Íslandsmótinu í Pílukasti 2025. Hægt er að sjá…
Fyrsta píluþingi ÍPS lauk í gær um 16:00 en þetta var í fyrsta skipti sem…
