Úrvalsdeildin í pílukasti 2022

ÍPS og Stöð 2 Sport í samvinnu við One80dart.is og Bullseye kynna með stolti Úrvalsdeildina í pílukasti 2022! 16 pílukastarar hafa verið valdnir til að taka þátt í ár og verður spilað á Bullseye, Snorrabraut 34 í beinni útsendingu á Stöð 2 Sport í haust. Spilaðir verða 4 riðlar þar sem 4 pílukastarar keppast um að sigra sinn riðil hvert kvöld og tryggja sig inn á úrslitakvöldið. Úrslitakvöldið verður síðan í byrjun desember þar sem Úrvalsdeildarmeistarinn 2022 verður krýnd/ur.

Glæsileg verðlaun verða í boði frá m.a. Cintamani, FitnessSport, Minigarðinum og Humarsölunni!

Dagsetningar og keppendur má sjá hér fyrir neðan. Bein útsending Stöðvar 2 Sport byrjar kl. 20:00 alla keppnisdagana.

Samhliða Úrvalsdeildinni verða opin mót á þessum dagsetningum í bláa sal Bullseye. Mótið er opið öllum og viljum við fá sem flest til að mæta og skapa góða stemmingu í salnum á meðan útsending fer fram.

Pílukast á Íslandi er í stórsókn og hlökkum við mikið til að fylgjast með þessum frábæru pílukösturum leika listir sínar í beinni útsendingu á Stöð 2 Sport! Er þú ekki örugglega með áskrift?