Íslenska Pílukastsambandið hefur valið pílukastara ársins 2023 og voru þau Brynja Herborg Jónsdóttir úr PFR og Vitor Charrua úr PFH sem hlutu tilnefninguna að þessu sinni. Viðurkenningar verða veittar á aðalfundi ÍPS sem fram fer þann 17. janúar 2024.
Brynja Herborg varð RIG meistari kvenna í pílukasti á þessu ári og Íslandsmeistari í Cricket. Hún komst í úrslitaleik Íslandsmótsins og sigraði einmenningshluta Íslandsmóts félagsliða. Hún endaði einnig með hæsta meðaltal kvenna í ÍPS deildinni (54,49) og komst alla leið í silfurdeild. Henni gekk einnig vel á mótum utan landsteinanna og var ein fjögurra kvenna sem var valin í landslið Íslands í pílukasti sem tók þátt Heimsbikarmóti WDF í Danmörku og komst hún í 32 manna úrslit í einmenningshluta mótsins.
Vitor Charrua varð Íslandsmeistari karla í pílukasti á árinu 2023. Hann var einnig valinn í landslið Íslands sem tók þátt á Heimsbikarmóti WDF. Hann varð einnig efsti Íslendingurinn á stigalista Norðurlandsmótaraðar PDC Nordic og Baltic og varð fyrsti Íslendingurinn ásamt Hallgrími Egilssyni til að taka þátt á PDC World Cup of Darts sem fram fór í júní. Hann vann sér einnig þátttökurétt í Úrvalsdeildinni í pílukasti en þar tókst honum þó ekki að verja titil sinn frá fyrra ári.
ÍPS óskar bæði Brynju og Vitori innilega til hamingju með viðurkenninguna og óskar öllum pílukösturum farsældar á nýju ári.
Næst á dagskrá er 1. umferð ÍPS deildarinnar en hún verður haldin þann 14. janúar næstkomandi. Skráning fer í loftið á næstu dögum.
Hér má sjá áætlaða deildaskiptingu fyrir 1. umferð Floridana deildarinnar NA árið 2025. Fyrirkomulag uppröðunnar…
Búið er að velja landsliðsúrtakshóp sem mun keppast um að komast í landslið karla og…
Við minnum ykkur á að keppt er bæði í PFR og Bullseye. Deildir sem eru…
ÍPS byrjar aftur með kvennadeildir í Floridana mótaröðinni. Á nýju ári ákváðum við að byrja…
Hér má sjá áætlaða deildaskiptingu fyrir 1. umferð Floridana deildarinnar árið 2025. Fyrirkomulag uppröðunnar er…
