Íslandsmótið í Pílukasti 2023 fór fram á Bullseye Reykjavík í dag. Tæplega 90 keppendur voru skráðir til leiks sem gerir mótið að fjölmennasta Íslandsmótinu til þessa. 72 karlar og 15 konur tóku þátt.
Spilað var með riðla fyrirkomu lagi þar sem 32 einstaklingar fóru áfram og hjá körlum og 15 hjá konum.
Sterkustu keppendur landsins voru langflestir mættir til leiks en auk farands- og eignabikar voru einnig tvö sæti í Úrvalsdeildinni í Pílukasti í boði en hún verður sýnd í beinni á Stöð 2 Sport í haust.
Í úrslitaviðureign karla mættust Vitor Charrua og Hörður Þór Guðjónsson og fóru leikar 7-3 fyrir Vitor sem þýðir að Vitor er Íslandsmeistari karla í pílukasti 2023. Þetta er annar íslandsmeistaratitill Vitors, en hann vann síðast árið 2019.
Í úrslitaviðureign kvenna mættust Ingibjörg Magnúsdóttir og Brynja Herborg en þar hafði Ingibjörg betur 7-4 og vinnur því Íslandsmeistaratitilinn 3. árið í röð og í 6. skiptið á sínum píluferli.
Í 3. – 4. sæti í karlaflokki voru þeir Páll Árni Pétursson og Karl Helgi Jónsson.
Í 3. – 4. sæti í kvennaflokki voru þær Birna Rós Daníelsdóttir og Isabelle Nordskog en þær tryggðu sér báðar þátttökurétt í Úrvalsdeildinni með árangri sínum í dag.
Fleiri myndir og nánari upplýsingar væntanlegar
Íslandsmótið í 501 tvímenning fór fram síðastliðinn sunnudag á Bullseye Reykjavík en um 100 manns…
Hér má finna allar beinar útsendingar Live Darts Iceland frá Íslandsmótinu í 501 en í…
5. og næstsíðasta umferð Floridana deildarinnar fór fram á Bullseye Reykjavík og í aðstöðu Píludeildar…
Hér má finna allar beinar útsendingar Live Darts Iceland frá Floridana deildinni í pílukasti. Leikir…
