Íslenska karlalandsliðið í pílukasti hefur tryggt sér sæti í 16 liða úrslitum liðakeppninnar á WDF Europe Cup 2026, sem stendur nú yfir í Færeyjum.
Karlarnir töpuðu fyrsta leik sínum gegn Hollandi en svöruðu því með þremur sigrum í röð gegn Jersey, Möltu og Frakklandi. Þessi góði árangur tryggði liðinu sæti í útsláttarkeppninni, sem heldur áfram í dag, fimmtudaginn 1. október.
Mótið fer fram í íþróttahöllinni Við Tjarnir í Þórshöfn og stendur til laugardagsins 3. október. Þar koma saman um 300 keppendur frá 37 þjóðum til að keppa í einmenningi, tvímenningi og liðakeppni.
Landslið Íslands í karlaflokki skipa:
Hallgrímur Egilsson
Hörður Guðjónsson
Gunnar Ólafsson
Alexander Þorvaldsson
Landslið Íslands í kvennaflokki skipa:
Sandra Dögg Guðlaugsdóttir
Steinunn Dagný Ingvarsdóttir
Sara Dögg Margeirsdóttir
Barbara Nowak
Með hópnum eru Pétur Rúðrik, landsliðsþjálfari, og Halli Birgis, liðsstjóri.
Í dag er einnig keppt í tvímenningi í opnum flokki og einmenningi kvenna. Á föstudaginn tekur við einmenningur í opnum flokki, tvímenningur kvenna og útsláttarkeppni kvennaliðanna. Úrslitadagurinn er á laugardaginn.
Við hvetjum allt píluáhugafólk til að fylgjast með mótinu og styðja við bakið á íslenska landsliðinu. Hægt er að fylgjast með leikjum og úrslitum á DartConnect.
Áfram Ísland!