Gulldeildir í RVK og NA fá Kristalsuppfærslu
Þriðja umferð Flóridana deildarinnar fer fram sunnudaginn 10.mars á Bullseye, PFR og Píludeildar Þórs á Akureyri. ÍPS hefur ákveðið, eftir góðar viðtökur fyrstu tveggja umferða Kristalsdeildar, að yfirfæra sama fyrirkomulag á Gulldeildir í Reykjavík og Norðaustur Deildar. Þær deildir verða því 12 manna deildir með útsláttar fyrirkomulagi. Finna má uppfært regluverk Flóridana deildarinnar HÉR.
4.umferð Kristalsdeildar fer fram á Akureyri í ágúst.
Til þess að gæta betra jafnvægis milli landshluta höfum við einnig ákveðið, í samráði við Píludeildar Þórs, að Kristalsdeild spili fyrir norðan þegar að fjórða umferð fer fram um miðjan ágúst. Nánari upplýsingar um þá umferð verður birt seinna.
Skráning fer fram í Vefverslun Dart.is
Við minnum þátttakendur á að nú er ekki þörf á millifærslum á reikning ÍPS heldur er hægt að greiða með Kredit og Debitkortum ásamt Apple-Pay Greiðslulausninni. Meðlimir ÍPS sem eiga inneign hjá ÍPS ættu núþegar að hafa fengið hana senda í tölvupósti og geta notað kóðann í körfuviðmótinu til þess að greiða þátttökugjald. Hægt er að hafa samband við dart@dart.is fyrir frekari aðstoð.
Skráningu lýkur kl 18:00 miðvikudaginn 6. mars.
