Á laugardagskvöldið ráðast úrslitin í Úrvalsdeildinni í pílukasti, í beinni útsendingu á Stöð 2 Sport.
Fjórir keppendur eru komnir í úrslit eftir undanriðlana en það eru:
Fyrstur í úrslitin er Arnar Geir Hjartarson, 27 ára starfsmaður upplýsingatæknideildar hjá Kaupfélagi Skagfirðinga. Hóf að keppa í pílu fyrir einu og hálfu ári og keppir fyrir Tindastól.
Annar í úrslitin er enginn annar en „handsprengjan“, Vitor Charrua, fyrrverandi Íslandsmeistari og einn allra fremsti pílukastari landsins.
Þriðji í úrslitin er hann Karl Helgi Jónsson, 57 ára kokkur sem hefur verið með þeim fremstu á Íslandi undanfarin ár.
Fjórði keppandi kvöldsins er svo hinn 18 ára gamli Alexander Veigar Þorvaldsson, nemi við Fjölbrautaskóla Suðurnesja, en hann er þrefaldur Íslandsmeistari unglinga og afar efnilegur.
Bein útsending frá keppninni hefst á laugardaginn n.k. 3. desember klukkan 20 á Stöð 2 Sport. Strax í kjölfarið tekur Stjörnupílan 2022 við.
