Það var heldur betur líf og fjör í Píluklúbbnum hjá PFH í Hafnarfirði þegar fyrsta umferð DARTUNG fór fram laugardaginn 25. febrúar 2023.
27 keppendur tóku þátt í 4 aldurshópum en aldrei hafa fleiri tekið þátt í unglingamótaröð á vegum ÍPS.

Í flokki stúlkna á aldrinum 13-18 ára sigraði Emilía Rós Hafdal Kristinsdóttir í úrslitaleik gegn Birnu Rós Daníelsdóttur. Í flokki drengja á aldrinum 13-18 ára sigraði Gunnar Guðmundsson í úrslitaleik gegn Snæbirni Inga Þorbjörnssyni. Í 3.-4. sæti voru Róbert Steinn Pétursson og Sveinbjörn Runólfsson

Í flokki stúlkna 12 ára og yngri sigraði Linda Björk Atladóttir í úrslitaleik gegn Guðfinnu Söru Arnórsdóttur. Í 3. sæti var Gabríela Ósk Hólmarsdóttir. Í flokki drengja 12 ára og yngri sigraði Axel James Wright í úrslitaleik gegn Kára Vagni Birkissyni. Í 3.-4. sæti voru Marel Högni Jónsson og Gísli Galdur Jónasson.

Unglingalandsliðsþjálfarar Íslands, þau Brynja Herborg og Pétur Guðmundsson voru á staðnum og fylgdust grant með en nú styttist einmitt í að þau fari að velja úrtakshópa fyrir komandi landsliðsverkefni undir 18 ára landsliðs Íslands. Stjórn ÍPS vill þakka styrktaraðila mótsins PingPong.is sérstaklega fyrir ómetanlegan stuðning. Petrea KR fær sérstakar þakkir fyrir að bjóða fram aðstoð við skipulagningu og skrif. Domino’s Pizza fær einnig þakkir fyrir að gefa keppendum gómsætar pizzur.

2. umferð DARTUNG fer síðan fram sunnudaginn 26. mars í Grindavík. Áætlað er að skráning hefjist í kringum 7. mars nk.