NOVIS deildin 2. umferð (Lokið)

Um Novis deildina

Það hefur sjaldan verið eins mikilvægt að taka þátt í NOVIS deildinni og núna. Í 2. umferð er mikilvægt að koma sér í góða stöðu í deildinni, því eftir 3. umferðina tryggja efstu leikmenn deildarinnar sér sæti í Úrvalsdeildinni 2023 sem fer fram í haust.  Sjá nánar hér 

NOVIS deildin er fyrir alla pílukastara sem hafa gilda skráningu í einu af aðildarfélögum sambandsins. Ef þú ert ekki núþegar skráð/ur í aðildarfélag þá getur þú gert það með því að fylla út skráningu í ÍPS hér. (ATH þetta er ekki skráning í NOVIS deildina, hún er neðst á þessari síðu.)

NOVIS deildin er hönnuð fyrir pílukastara á öllum sviðum íþróttarinnar. Deildirnar eru settar þannig upp að þú færð marga keppnisleiki og flesta við leikmenn með svipað getustig. Það skiptir ekki máli hvort þú stefnir á að keppa fyrir landslið Íslands eða ert að taka þín fyrstu skref í pílukasti, þú færð alltaf að keppa við jafninga í íþróttinni og því undir þér komið hvað þú vilt ná langt.
(ATH þeir sem eru að skrá sig í fyrsta skipti eða eru að skrá sig aftur eftir að hafa tekið amk 2 umferðir í hlé gætu lent á móti leikmönnum sem eru ekki með svipað getustig.)

Staðsetning, fyrirkomulag og reglur

2. umferð verður haldin sunnudaginn 26. febrúar nk. á Bullseye, Snorrabraut 34.  Keppni í Norðuausturdeild NOVIS fer fram í aðstöðu Píludeildar Þórs að Laugargötu 4, Akureyri. Leikir í öllum deildum hefjast kl. 10:30 en húsið opnar kl. 09:00. Staðfesta þarf skráningu á staðnum amk. 45 mín fyrir upphaf allra deilda.  Ef skráning verður mikil gæti þurft að spila einhverjar deildir í aðstöðum pílufélaga sambandsins.

Fjöldi deilda fer eftir skráningu hverju sinni. Hámarksfjöldi í hverri deild eru 9 manns. Ef skráningar ná ekki uppí 9 keppendur í allar deildir fyrir ákveðna umferð þá gæti þurft að breyta fjölda í hverri deild í þeirri umferð en ávallt verður reynt að hafa 7-9 manns í hverri deild í hverri umferð.

Spilað verður 501, best af 7 leggjum í fjórum efstu deildum í karlaflokki en best af 5 leggjum í öðrum deildum. Í öllum kvennadeildum er einnig spilað best af 5. Í Norðausturdeild NOVIS er spilað best af 7 leggjum í efstu deild en best af 5 í öðrum deildum. Allir spila við alla einu sinni og er gefið 1 stig fyrir sigur í hverjum leik. Sigurvegarar hverrar deildar verða krýndir að hverri umferð lokinni og fá þau að launum glæsilegan verðlaunapening. Þeir keppendur sem lenda í tveimur efstu sætum hverrar deildar tryggja sig upp um amk. eina deild og þeir keppendur sem lenda í tveimur neðstu sætum hverrar deildar í úrslitaumferðinni falla niður um amk. 1 deild.

Nánari upplýsingar og regluverk NOVIS deildarinnar má sjá með því að smella HÉR

Keppendum verður raðað í deildir útfrá meðaltali síðustu tveggja umferða. Þeir keppendur sem ekki tóku þátt í síðustu tveimur umferðum hefja leik í neðstu deild. Meðaltal keppanda eftir 1. umferð, efstu tveir keppendur í öllum deildum sem hafa tryggt sig upp um amk eina deild og þeir tveir keppendur sem falla niður um amk eina deild og breytingu á meðaltali á milli umferða má sjá hér að neðan.

Úrslit 1. umferðar 2023

Heildarmeðaltal eftir 1. umferð 2023

Breyting á meðaltali eftir 1. umferð 2023
(ATH! Stjórn ÍPS hefur ákveðið að þeir leikmenn sem ekki gátu tekið þátt í 1. umferð vegna ófærðar halda fyrra meðaltali sínu)

Skráning & greiðsla

Skráning er hafin og ATH! skráningarfrestur er nú til kl. 18:00, miðvikudaginn 22. febrúar 2022. Hægt er að skrá sig með því að fylla út formið hér að neðan. Skráning er ekki gild fyrr en búið er að greiða þátttökugjald. Ef þátttökugjald er ekki greitt á réttum tíma bætist við 500kr refsigjald.

Þátttökugjald er 3.500 kr. og er eingöngu hægt að millifæra á:
Kt. 470385-0819  Reikningsnúmer: 0301-26-014567
Vinsamlegast sendu kvittun fyrir greiðslu á dart@dart.is

Ef þú átt inneign og vilt nýta hana sendu okkur póst á dart@dart.is. Hægt er að skoða inneignarstöðuna HÉR
Reglur um afskráningu í mótum ÍPS, endurgreiðslur og inneignir er hægt að skoða HÉR

Skráningu er lokið

Skráðir keppendur