Stigamót 5,6,7 og Undankeppni Íslandsmóts um helgina

Stigamót 5&6 verða haldin í aðstöðu Pílufélags Reykjanesbæjar, Keilisbraut 755, Ásbrú laugardaginn 7. september. Stigamót 5 hefst kl. 11:00 og hefst stigamót 6 um kl. 15.

Stigamót 7 verður haldið í aðstöðu Pílufélags Reykjanesbæjar sunnudaginn 8. september. Fyrsta Undankeppni Íslandsmóts 2020 verður haldin eftir Stigamót 7. Stigamót 7 hefst kl. 11:00 og Undankeppnin um kl. 15:00.

———

Stigamót ÍPS hafa undanfarin ár verið haldin bæði á Suðurlandi og Norðurlandi fyrsta fimmtudag í hverjum mánuði. Stigin sem spilarar vinna sér inn á þessum mótum hafa verið notuð til að mynda stigalista ÍPS. Með breyttu fyrirkomulagi á stigalista ÍPS munu stigamótin einnig breytast en hér fyrir neðan koma helstu breytingar.

  • Stigamót ÍPS verða nú ekki lengur haldin fyrsta fimmutdag hvers mánaðar. Nákvæma dags- og staðsetningu fyrir 2019 má sjá á dagatali sambandsins hér: www.dart.is/calendar
  • Fyrirkomulag Stigamóta er beinn útsláttur, best af 9 leggjum alla leið, bæði hjá körlum og konum.
  • Raðað er í mótið skv stigalista ÍPS.
  • Fyrra mótið hefst kl. 11 og seinna mótið um kl. 15 báða dagana.
  • Áfram verður kynjaskipt í Stigamótum.
  • Hægt er að skrá sig hér fyrir neðan eða á staðnum og lýkur skráningu kl 10 báða dagana.
  • Þátttökugjald í hvert stigamót verður 1.500kr.
  • Regluverk Stigamóta má nálgast undir Reglur-Stigamót 2019

————–

Fyrsta undankeppnin fyrir Íslandsmótið 2020 verður haldið í aðstöðu Pílufélags Reykjanesbæjar sunnudaginn 8. september.

Þetta er fyrsta undankeppnin af fjórum. 4 efstu karlar í hverri undankeppni komast beint inn í 32 manna útslátt Íslandsmóts 501 árið 2020 og sleppa við riðlakeppni. Eins komast 2 efstu konur í hverri undankeppni beint inn í 16 manna útslátt.

Spilafyrirkomulag í undankeppninni er beinn útsláttur, best af 9 alla leið hjá konum og körlum. Raðað er í undankeppnina eftir stigalista ÍPS.

Þeir aðilar sem tryggja sér þátttökurétt hafa ekki rétt á að taka þátt í fleiri undankeppnum enda hafa þeir þegar tryggt sér þátttökurétt.

Eftir þessar fjórar undankeppnir verða 16 spilarar í karlaflokki og 8 í kvennaflokki sem sleppa við riðlakeppni og er þeim raðað eftir stigalista ÍPS inn í útsláttinn.