Í dag fór fram landsliðsæfing hjá U18 ára afrekshópi ÍPS í píluaðstöðu Þórs á Akureyri. 8 drengir voru mættir á æfingu hjá Pétri Rúðrik Guðmundssyni, landsliðsþjálfara karla U18 ára.

Framundan hjá U18 landsliðinu er Evrópumótið í Pílukasti sem verður haldið í Austurríki dagana 5. – 8. júlí nk.

Þar að auki voru þau Pétur Rúðrik og Brynja Herborg með námskeið fyrir áhugasama krakka á aldrinum 10-18 ára sem komu og kynntu sér pílukast undir leiðsögn landsliðsþjálfara. Alls mættu yfir 50 krakkar á námskeiðin og því ljóst að áhuginn á pílukasti á norðurlandi hefur aldrei verið meiri en nú.

Grillvagn frá DJ grill á Akureyri var á staðnum og bauð upp á hamborgaraveislu fyrir alla. Píludeild Þór hélt svo lauflétt skemmtimót fyrir krakkana þar sem veglegir vinningar voru í boði.