Úrtakshópur Norðurlandamóts valinn

Pétur Rúðrik Guðmundsson landsliðsþjálfari Íslands hefur valið 44 manna úrtakshóp, 28 karla og 16 konur, fyrir næsta landsliðsverkefni Íslands í pílukasti en Norðurlandamót WDF verður haldið á Íslandi dagana 23-25 maí. Pétur hefur ferðast um landið undanfarnar vikur og heimsótt aðildarfélög ÍPS þar sem hann kynnti bæði sjálfan sig og hvernig hann mun koma að þjálfun hópsins fyrir komandi verkefni ásamt hans framtíðarsýn hvað varðar landslið Íslands.

Fyrsta æfingarhelgi úrtakshópsins stendur nú yfir en hópurinn æfði saman í gær föstudag og er önnur æfing í dag laugardag. Fyrirhugað er að halda 3 æfingarhelgar, 2 á höfuðborgarsvæðinu og eina á Akureyri og verður úrtakshópurinn í kjölfari skorinn niður í þá 8 karlmenn og 4 konur sem taka munu þátt fyrir Íslands hönd á mótinu.

ÍPS hefur einnig gert samning við www.godartspro.com en það verður notað sem æfingakerfi þar sem Pétur getur gefið út æfingar fyrir hópinn og fylgst með frammistöðu.

Úrtakshópinn má sjá hér fyrir neðan:

Konur (16 leikmenn)

Hér má sjá myndir sem teknar voru í gær föstudag á fyrstu æfingu úrtakshópsins en hún var haldin í aðstöðu Pílufélags Kópavogs sem staðsett er í íþróttahúsinu í Digranesi www.pfk.is