Íslandsmótið í 501 tvímenning fór fram síðastliðinn sunnudag á Bullseye Reykjavík en um 100 manns voru skráð á mótið. Spilað var í karla- og kvennaflokki þar sem byrjað var á riðlakeppni og fylgdi útsláttur í kjölfarið. Í karlaflokki voru 36 pör skráð til leiks og 13 í kvennaflokki.
Í karlaflokki voru það félagarnir frá Pílufélagi Reykjanesbæjar þeir Arngrímur Anton Ólafsson og Árni Ágúst Daníelsson sem urðu Íslandsmeistarar en þeir sigruðu þá Alexander Veigar Þorvaldsson frá Pílufélagi Grindavíkur og Harald Birgisson frá Pílufélagi Kópavogs 6-1 í úrslitaleiknum.
Í kvennaflokki urðu það síðan Barbara Nowak og Harpa Dögg Nóadóttir frá Pílukastfélagi Reykjavíkur sem urðu Íslandsmeistarar en þær sigruðu þær Steinunni Dagnýu Ingvarsdóttur og Söndru Dögg Guðlaugsdóttir frá Pílufélagi Grindavíkur 6-5 í úrslitaleiknum.
Hér má síðan finna úrslit allra leikja: https://tv.dartconnect.com/event/icelanddblschamp24
Mótið var í beinni útsendingu frá Live Darts Iceland og finna má 3 útsendingar hér: https://www.youtube.com/@LiveDartsIceland
Stjórn ÍPS óskar verðalunahöfum til hamingju og þakkar öllum kærlega fyrir sem aðstoðuðu á einn eða annan hátt. Hér má síðan finna myndir af verðlaunahöfum:
