![](https://i0.wp.com/dart.is/wp-content/uploads/2019/08/img_7528.jpg?fit=1599%2C1071&ssl=1)
Stigamót 8 og 9 voru haldin hjá Pílukastfélagi Reykjavíkur laugardaginn 5. október. Stigamótin eru notuð til að raða á stigalista ÍPS en listinn er notaður á flestum mótum sambandsins og tekur landsliðsþjálfari mið af listanum þegar úrtökuhópar eru valdir fyrir landsliðsverkefni.
Stigamót 8
Alls voru 15 karlar og 5 konur skráðar til leiks. Til úrslita spiluðu Þröstur Ingimarsson hjá PR og Karl Helgi Jónsson hjá PFR. Úrslitaleikurinn fór í oddalegg en það var Þröstur sem tók út og tryggði sigurinn. Þröstur var með 66.0 í meðaltal í úrslitaleiknum en Karl 65,1.
![](https://i0.wp.com/dart.is/wp-content/uploads/2019/10/384944BB-A555-4A25-B0CF-B7263019721C-e1570439089655-768x1024.jpeg?resize=640%2C853)
Í kvennaflokki sigraði Þórey Ósk Gunnarsdóttir en hún vann Diljá Töru Helgadóttur 5-2 í úrslitaleiknum. Þórey var með 44,5 í meðaltal en Diljá 41,8.
![](https://i0.wp.com/dart.is/wp-content/uploads/2019/10/1508E13C-5E48-45D8-A5B4-3FEE5E287B23-e1570439025239-768x1024.jpeg?resize=640%2C853)
Stigamót 9
Stigamót 9 var haldið sama dag en 20 spilarar voru skráðir í karlaflokki og 6 í kvennaflokki. Til úrslita spiluðu Vitor Charrua hjá PFR og Matthías Örn Friðriksson hjá PG. Vitor sigraði 5-2 með meðaltalið 68,7 en Matthías var með sama meðaltal.
![](https://i0.wp.com/dart.is/wp-content/uploads/2019/10/50277B45-9FA4-4F5C-BC71-622960359C73-e1570439042881-768x1024.jpeg?resize=640%2C853)
Í kvennaflokki sigraði María Steinunn Jóhannesdóttir en hún sigraði Petreu Kr. Friðriksdóttur 5-0 í úrslitaleiknum. María var með 49,8 í meðaltal en Petrea 44,0.
![](https://i0.wp.com/dart.is/wp-content/uploads/2019/10/B53B1AC7-AE57-47F8-83EC-EA2AB00DBA9C-e1570439063383-768x1024.jpeg?resize=640%2C853)
Undankeppni Íslandsmóts 2020
Önnur undankeppni Íslandsmóts 2020 fór fram sunnudaginn 6. október. Í fyrstu undankeppninni tryggðu sig inn Bjarni Sigurðsson hjá Píludeild Þórs, Eyjólfur Agnar Gunnarsson hjá PR, Þröstur Ingimarsson hjá PR og Þorgeir Guðmundsson hjá PFR. Í kvennaflokki voru það Petrea Kr. Friðriksdóttir hjá PFR og Arna Rut Gunnlaugsdóttir hjá PFR sem tryggði sig inní útsláttarhluta Íslandsmótsins.
Í dag bættust við í hópinn Matthías Örn Friðriksson hjá PG, Karl Helgi Jónsson hjá PFR, Sigurgeir Guðmundsson hjá PA og Guðmundur Valur Sigurðsson hjá PG. Í kvennaflokki voru það Þórey Ósk Gunnarsdóttir hjá PFR og María Steinunn Jóhannsdóttir hjá PFR sem tryggðu sig inn.
Eftir mót helgarinnar situr Matthías Örn Friðriksson (PG) í efsta sæti í karlaflokki og Petrea Kr. Friðriksdóttir (PFR) í kvennaflokki.
Seinustu stigamót ársins 2019 verða haldin hjá Píludeild Þórs helgina 9-10. nóvember. Sunnudaginn 10. nóvember verður einnig haldin þriðja undankeppni Íslandsmóts 2020.