U18 ára landsliðsþjálfarar Íslands hafa valið þá 6 pílukastara sem munu keppa fyrir hönd Íslands á WDF Europe Cup Youth 2023 í Austurríki 5. – 8. júlí nk. Fjórir drengir keppa fyrir hönd Íslands og tvær stúlkur.
Brynja Herborg landsliðsþjálfari U18 kvenna valdi þær Emilíu Rós Hafdal Kristinsdóttur (PFH) og Birnu Rós Daníelsdóttur (PR).
Drengirnir fjórir sem Pétur Rúðrik Guðmundsson, landsliðsþjálfari U18 karla, valdi eru þeir Gunnar Guðmundsson (PS), Tristan Ylur Guðjónsson (Þór), Snæbjörn Þorbjörnsson (Þór) og Axel James Wright (PG)
Ég stóð frammi fyrir lúxusvandamáli sem ég hef sjaldan þurft að glíma við, en það er að margir gerðu tilkall til landsliðsins og var valið því mjög erfitt. Ég er gríðalega stoltur og ánægður með allan afrekshópinn hjá strákunum, þeir eru allir góðir í pílukasti og ef þeir æfa sig vel áfram þá er enginn vafi í mínum huga að þeir muni allir standa sig vel í íþróttinni
Pétur Rúðrik Guðmundsson, landsliðsþjálfari U18 karla
ÍPS óskar þessum efnilegu pílukösturum góðs gengis í sumar og við munum að sjálfsögðu flytja fréttir af þeim og deila skemmtilegu efni á samfélagsmiðlum. ÁFRAM ÍSLAND!
