Kæru pílukastarar og áhugafólk um íþróttina
Búið er að velja landsliðs Íslands sem mun taka þátt í WDF World Cup sem haldið verður í Suður-Kóreu í september 2025.
Við val á landsliðinu voru ýmsir þættir hafðir til hliðsjónar og þar má m.a. nefna:
• Hæfileikar og frammistaða á æfingum, GoDartsPro og keppnismótum.
• Hugarfar og almennt viðmót gagnvart æfingum og hvort öðru.
• Þekking á leiknum og taktísk færni.
• Ástundun, agi og vilji til að bæta sig.
Það er óhætt að segja að valið á landsliðinu var ekki auðvelt enda margir hæfileikaríkir pílukastarar til á Íslandi. Fjöldi leikmanna hafa tekið stórt framfaraskref á síðustu misserum og sýnt að þeir eiga fullt erindi í landsliðsumhverfið.
Ég vil sérstaklega hrósa öllum þeim sem lögðu sig fram og sýndu metnað, bæði innan sem utan vallar. Til þeirra sem að þessu sinni fengu ekki sæti í hópnum vil ég segja: Takið þetta sem hvatningu, ekki hindrun. Leikmenn sem halda áfram að sýna framfarir og æfa markvisst munu klárlega gera tilkall til landsliðsins í framtíðinni.
Á næsta ári (2026) verður bæði Norðurlandamót og WDF Euro Cup og því til mikils að vinna fyrir þau sem hafa áhuga á að keppa fyrir Íslands hönd í framtíðinni.
Markmið okkar er að byggja upp öflugt, samstillt og vel undirbúið landslið sem er tilbúið að takast á við þjóðir heims í þessari glæsilegu íþrótt sem pílukast er.
Það gerum við saman – með aga, eldmóði og virðingu fyrir hvor öðrum.
Landsliðið að þessu sinni skipa eftirfarandi leikmenn:
Konur
Barbara Nowak – PFR
Ingibjörg Magnúsdóttir – PFH
Sandra Dögg Guðlaugsdóttir – PG
Steinunn Dagný Ingvarsdóttir – PG
Kolbrún Gígja Einarsdóttir – PÞ
Ólöf Heiða Óskarsdóttir – PÞ
Karlar
Alexander Veigar Þorvaldsson – PG
Árni Ágúst Daníelsson – PR
Hörður Þór Guðjónsson – PG
Vitor Charrua – PFH
Haraldur Birgisson – PFK
Kristján Sigurðsson – PFK
Með vinsemd og virðingu
Pétur Rúðrik Guðmundsson
Landsliðsþjálfari
