Úrvalsdeildin í pílukasti – 2. umferð

ÍPS kynnir með stolti Úrvalsdeildina í Pílukasti 2024 en 16 bestu pílukastarar landsins munu etja kappi í þráðbeinni útsendingu á Stöð 2 Sport í haust.

Í ár verða kvöldin sjö, öll laugardagskvöld frá 26.október til 7.desember. Opnunarkvöldið fer fram á Bullseye en síðan munu 3 næstu kvöld spilast á Sviðinu Selfossi, Hljómahöll Reykjanesbæ og í Sjallanum Akureyri. Kvöld 5 og 6 ásamt úrslitakvöldinu verða síðan spiluð á Bullseye.

Í ár verður ekki keppt í riðlum heldur verður keppendum skipt upp í 8 manna hópa sem raðað verður í eftir fjórum styrkleikaflokkum.

Hóparnir skiptast síðan á að spila og mun hver keppandi spila 2 kvöld. Eftir fjögur kvöld verður keppendum fækkað um helming og munu efstu 8 keppendurnir spila næstu tvö kvöld og vinna sér inn stig til þess að tryggja sig inn á úrslitakvöldið, en 4 stigahæstu keppendurnir komast þangað. Úrslitakvöldið verður svo haldið þann 7.desember á Bullseye með alvöru Ally Pally stemmingu rétt eins og í fyrra.

Önnur umferð verður spiluð á Bullseye og verður ekki miðasala heldur einungis selt inní stóra sal Bullseye. Við hvetjum alla til að mæta!