Það var góð stemning í Reykjanesbæ þegar þriðja umferð DARTUNG fór fram laugardaginn 23. september 2023. 23 keppendur tóku þátt í 4 aldurshópum.

Í flokki stúlkna á aldrinum 13-18 ára sigraði Emilía Rós Hafdal Kristinsdóttir 4-2 í úrslitaleik gegn Nadíu Ósk Jónsdóttur, báðar úr PFH. Í 3. sæti var Birna Rós Daníelsdóttir úr PR. Í flokki drengja á aldrinum 13-18 ára sigraði Gunnar Guðmundsson úr PS 4-1 í úrslitaleik gegn Marel Jónssyni. Í 3.-4. sæti voru Ísak Eldur Gunnarsson úr PKK og Jóhann Fróði Ásgeirsson úr PFH.

Í flokki stúlkna 12 ára og yngri sigraði Íris Harpa Helgadóttir úr PFH í úrslitaleik 2-1 gegn Hrefnu Jónasdóttur úr Þór. Í flokki drengja 12 ára og yngri sigraði Óðinn Hrafn Tómasson úr PR í 3-1 í úrslitaleik gegn Kára Vagni Birkissyni úr PKK. Í 3.-4. sæti voru Marel Högni Jónsson úr PFH og Axel James Wright úr PG.

Unglingalandsliðsþjálfarar Íslands, þau Pétur Rúðrik Guðmundsson og Brynja Herborg voru að sjálfsögðu á staðnum og fylgdust grant með eins og ávallt. Stjórn ÍPS vill þakka styrktaraðila mótsins PingPong.is sérstaklega fyrir ómetanlegan stuðning.

4. og síðasta umferð DARTUNG fer fram laugardaginn 28. október. Skráning hefst ca 7-10 dögum fyrr.Ω