3. umferð Floridana umferðarinnar fór fram síðastliðinn sunnudag og spilað var á þremur stöðum, á Bullseye Reykjavík, Píludeild Þórs og í aðstöðu Pílufélags Dalvíkur. Alls voru 174 keppendur sem tóku þátt. Í efstu deild, Kristalsdeild, var það Pétur Rúðrik Guðmundsson frá Pílufélagi Grindavíkur sem sigraði en hann vann Harald Birgisson úr Pílufélagi Kópavogs 6-1 í úrslitaleiknum. Í Gulldeild NA var það Edgars Keda Kedza sem sigraði Sigurður Brynjar Þórisson 6-4 í úrslitaleiknum og tryggði sér þannig sæti í Kristalsdeildinni í næstu umferð en hún fer fram á Akureyri í ágúst.
Hér fyrir neðan má síðan sjá úrslit allra deilda. Ef þú ert að skoða í síma þá þarftu að skruna til hliðar til að sjá allar deildir:
Stigalisti ÍPS hefur verið uppfærður eftir 3. umferðina og má nálgast hér: Stigalisti ÍPS 2024
Hér má síðan horfa á öll 100+ útskotin sem náðust í beinni útsendingu hjá Live Darts Iceland:
Hér má síðan sjá myndir af sigurvegurum allra deilda. Í galleríið vantar myndir af Jóni Pálssyni, sigurvegara Bronsdeildar NA og Eiríki Kristinssyni, sigurvegara Stáldeildar RVK. Stjórn ÍPS óskar öllum verðlaunahöfum innilega til hamingju með árangurinn. Floridana deildin er nú komin í frí en 4. umferð verður haldin þann 18. ágúst næstkomandi og mun Kristalsdeildin vera leikin í aðstöðu Þórs á Akureyri.
Næsta mót á vegum ÍPS er DARTUNG mótaröðin en hún fer fram á Akureyri þann 6. apríl næstkomandi. Við minnum síðan á Iceland Open & Iceland Masters sem fer fram helgina 13-14 apríl og er skráning í báða viðburði opin. Við bendum á að eftir 15.mars hækkar treyjan í 8.990 svo um að gera tryggja sér eintak sem fyrst. DARTUNG – 2. umferð / Iceland Open/Masters 2024
