Pílufélag Grindavíkur

Það var Pílufélag Grindavíkur sem varð í kvöld Íslandsmeistari félagsliða árið 2022 en mótið fór fram um helgina á Bullseye Snorrabraut. 8 aðildarfélög Íslenska pílukastsambandsins sendu inn lið í mótið en keppt var í einmenning, tvímenning og liðakeppni karla og kvenna.

Á laugardag var keppt í tvímenning karla og kvenna og voru það keppendur frá Pílufélagi Grindavíkur sem sigruðu í báðum flokkum. Í karlaflokki sigruðu þeir Matthías Örn Friðriksson og Pétur Rúðrik Guðmundsson þá Karl Helga Jónsson og Kristján Sigurðsson úr Pílukastfélagi Reykjavíkur 4-3 í úrslitaleiknum. Í kvennaflokki sigruðu þær Svana Hammer og Árdís Sif Guðjónsdóttir þær Brynju Herborgu Jónsdóttur og Hörpu Nóadóttur 4-0 í úrslitaleiknum.

Í einmenning karla var það Matthías Örn Friðriksson úr Pílufélagi Grindavíkur sem sigraði Vitor Charrua 4-0 í úrslitaleiknum með 95,43 í meðaltal.

Í einmenning kvenna var það Kristín „Kitta“ Einarsdóttir frá Pílufélagi Reykjanesbæjar sem sigraði Svönu Hammer frá Pílufélagi Grindavíkur 4-0 í úrslitaleiknum.

Í liðakeppni karla voru það lið PG 1 og PFH 1 sem áttust við í úrslitaleiknum en það voru PFH 1 sem sigruðu 9-7

Í liðakeppni kvenna var það Pílukastfélag Reykjavíkur sem sigraði Pílufélag Grindavíkur í úrslitaleiknum 9-7.

Heildarstaðan eftir mótið var síðan eftirfarandi:

KK tvím
KVK tvím
KK ein
KVK ein
Liðamót kk
Liðamót kvk
Samtals
PG
95
34
37
27
56
33
282
PFR
47
14
56
25
52
50
244
PFH
38
23
57
19
62
17
216
PR
28
15
13
33
14
18
121
PA
9
31
14
54
7
9
13
29
PK
7
6
13
PH
7
6
13

Hér má síðan sjá myndir þegar Íslandsmeistaratitillinn fór á loft. Að lokum vill stjórn ÍPS þakka öllum sem komu að mótinu á einn eða annan hátt kærlega fyrir og óskar verðlaunahöfum innilega til hamingju! Unnið er að dagatali fyrir árið 2023 og munu það verða gefið út fljótlega.

%d bloggers like this: