Texti og myndir fengnar af www.thorsport.is – Páll Jóhannesson
Á laugardag fór fram Íslandsmót unglinga U18 í pílukasti og fór mótið fram í aðstöðu Píludeildar Þórs í íþróttahúsinu við Laugargötu.
Metþátttaka var í drengja og stúlkna flokki sem var mjög ánægjulegt að sjá. Keppendur, sem voru 15 talsins (9 drengir og 6 stúlkur) komu frá þremur félögum þ.e. Píludeild Þórs, Pílufélagi Grindavíkur og Pílufélagi Reykjanesbæjar.
Yngsti keppandinn á mótinu var Axel James Wright en hann verður 9 ára á árinu og kemur úr röðum Þórs. Þá má einnig geta þess að Þórunn Birna Kristinsdóttir sem lenti í öðru sæti stúlkna var að keppa á sínu fyrsta móti. Þórunn keppir einnig fyrir Þór.
Úrslit á mótinu voru Svohljóðandi:
Drengir:
1. Alexander Veigar Þorvaldsson
2. Ástþór Ingi Gestsson
3.4. Alex Máni Pétursson og Tómas Breki Bjarnason
Stúlkur:
1. Andrea Margrét Davíðsdóttir
2. Þórunn Birna Kristinsdóttir
3.-4. Þórdís Etna Þórarinsdóttir og Thelma Þorvaldsdóttir.
Stjórn ÍPS óskar öllum viðeigandi innilega til hamingju og þakkar Píludeild Þórs fyrir frábært mót.
Hægt er að horfa á upptöku af mótinu hér fyrir neðan:
