Úrvalsdeildin í Pílukasti 2024

ÍPS kynnir með stolti Úrvalsdeildina í Pílukasti 2024 en náðst hefur samkomulagi við Stöð 2 Sport varðandi útsendingar í haust.

Í þetta sinn verða kvöldin sjö talsins í þráðbeinni öll laugardagskvöld frá 26.október til 7.desember. Opnunarkvöldið fer fram á Bullseye og amk eitt kvöld verður spilað úti á landi.

Fyrirkomulagið verður með breyttu sniði frá því í fyrra og verða keppendur alls 16 í ár. Lögð verður áhersla á lengri leiki með rjómann af okkar allra bestu pílukösturum.

Í þetta skiptið verður ekki keppt í riðlum heldur verður keppendum skipt upp í 8 manna hópa sem raðað verður í eftir fjórum styrkleikaflokkum.

Hóparnir skiptast síðan á að spila og mun hver keppandi spila 2 kvöld. Eftir fjögur kvöld verður keppendum fækkað um helming og munu efstu 8 keppendurnir spila næstu tvö kvöld og vinna sér inn stig til þess að tryggja sig inn á úrslitakvöldið, en 4 stigahæstu keppendurnir komast þangað. Úrslitakvöldið verður svo haldið þann 7.desember á Bullseye með alvöru Ally Pally stemmingu rétt eins og í fyrra.

Nánari upplýsingar má nálgast í PDF skjalinu neðst í fréttinni.

Undankeppnir

Fjórar undankeppnir verða haldnar fyrir Úrvalsdeildina og eru dagsetningar og staðsetningar eftirfarandi.

UK 1 – PFR 28.mai

UK 2 – Selfoss 8.júní

UK 3 – Akureyri 11.júní

UK 4 – Reykjanesbær 18.júní

Dagskrárbreytingar.

Þetta hefur einnig áhrif á dagatal ÍPS og höfum við ákveðið að lokaumferð Floridana deildarinnar verði 6. umferðin sem fram fer 10. nóvember þar sem lokaumferðin er áætluð daginn eftir úrslitakvöldið.

Íslandsmót Félagsliða verður fært til 7-8. september í stað nóvember eins og upprunalega var áætlað. Auk þess er búið að setja Íslandsmótið í Krikket á helgina 27-28. júlí og verður það spilað í aðstöðu PFR að Tangarhöfða í Reykjavík. Íslandsmótið í 301 er á sínum stað 19-20. október verður það haldið í aðstöðu Píludeildar Þórs á Akureyri.