WDF World Masters er eitt stærsta mót sem WDF heldur hverju sinni og í ár verður það haldið í Assen í Hollandi en mótið verður spilað fimmtudaginn 8. desember næstkomandi. Alls verða 3 mót frá fimmtudegi til mánudags og öll geta þau gefið möguleika á sæti á Heimsmeistaramóti WDF sem er stærsta mót á dagatali WDF. Mótin sem um ræðir eru:

WDF World Masters – 8. desember
WDF World Open – 10 eða 11. desember
WDF World Championship qualifier – 12. Desember

Einnig verður þessa helgi mót fyrir drengi og stúlkur sem ekki hafa orðið 18 ára á keppnisdag sem er 11. desember.

Þónokkrir íslenskir keppendur hafa nú þegar tryggt sér þátttökurétt á WDF World Masters en opið er fyrir alla í World Open og World Championship undankeppnina. Þeir keppendur eru:

Ingibjörg Magnúsdóttir – PFH
María Steinunn Jóhannesdóttir – PFR
Arna Rut Gunnlaugsdóttir – PG
Petrea KR Friðriksdóttir – PFR
Páll Árni Pétursson – PG
Friðrik Diego – PFR
Kristján Þorsteinsson – PFR
Sigurgeir Guðmundsson – PFA
Vitor Charrua – PFH
Matthías Örn Friðriksson – PG
Guðjón Hauksson – PG
Brynja Herborg Jónsdóttir – PFH

Að auki hefur ÍPS 6 boðsmiða sem sambandið getur gefið þeim sem hafa áhuga á að fara á mótið.

ÍPS þarf að tilkynna til WDF eigi síðar en mánudaginn 31. október hvaða keppendur frá Íslandi munu taka þátt og því biðjum við þau sem þegar hafa unnið sér þátttökurétt og þá sem hafa áhuga á að fá boðsmiða frá ÍPS um að senda póst á dart@dart.is fyrir föstudaginn 28. október.

Hér má síðan sjá frétt um mótin á heimasíðu WDF: https://dartswdf.com/news/2022-wdf-world-masters-announcement